തൊട്ടാല്കുളിക്കണം കണ്ടാല്ക്കുളിക്കണം
നൂറടിമാറി നടക്കണം നീ
നീ വെറും താണവന്, ഞാനോ ഉയര്ന്നവന്
നിന്നെഞാന് തൊട്ടാല്ക്കുളിക്കണംഞാന്
നിന്റെ വിയര്പ്പിനാല് ചാലിച്ചവിത്തുകള്
പാടത്തുപൊട്ടിമുളച്ചുവന്നു
സ്വര്ണ്ണക്കതിരുകള് കുമ്പിട്ടുനില്ക്കെ നീ
പൊന്നരിവാള്കൊണ്ടു കൊയ്തെടുത്തു
പാട്ടമളക്കുവാന് ചാക്കിലെനെല്ലുമാ
യെന്റെയില്ലത്തുനീ വന്നുവല്ലോ
മാറു നീ നൂറടി മാറുനീയില്ല
മശുദ്ധമാക്കാതെ നീ മാറി നില്ക്കൂ
രാമാ അളക്കുപാട്ടംനെല്ലുവൈകാതെ
യെന്നിട്ടറയില്നിറച്ചുവക്കൂ.
ത്വമസി അസ്പൃശ്യ:
അസ്പൃശ്യന് സ്പര്ശ്യനല്ലാത്തോന്
ഷെഡ്യൂള്ഡ് കാസ്റ്റന് ധരിക്ക നീ
ഞാനൊരു മേല്കാസ്റ്റന്
നീ വെറും കീഴ്കാസ്റ്റന്
എന്നെ നീ കാണ്കിലോടീയൊളിക്കൂ!
(കടപ്പാട്: വിഷ്ണുപ്രസാദ് മാഷിന്റെ കസ്റ്റം മെസ്സേജില് “അസ്പൃശ്യന്” എന്ന വാക്കു കണ്ടപ്പോള് ഉള്ളില് തോന്നിയ കവിതയാണു മുകളില് കൊടുത്തിരിക്കുന്നത്.)
Sunday, December 2, 2007
Subscribe to:
Posts (Atom)